Фотограф од National Geographic открива: 9 трикови за совршени фотографии

Фотографот од National Geographic, Стив Мекури е воедно и автор на култната насловна од 1984 година, попозната како „Девојката од Авганистан.“

Токму овој уметник сега открива која е тајната на совршените фотографии.

1. Правило за поделба на третини

Позиционирајте ги најважните точки каде што третините се пресекуваат.

2. Водечки линии

Користете природни линии кои ќе го водат вашиот поглед кон централната точка или предмет на фотографијата.

3. Дијагонали

Дијагоналните линии креираат совршени движења, односно уникатна динамика на секоја фотографија.

4. Рамки

Користете природни рамки, како на пример прозори и врати. Тие делуваат секогаш ефектно.

5. Контраст

Пронајдете го контрастот помеѓу субјектот и позадината на фотографијата. Така најбрзо ќе создадете фотографија која раскажува цела приказна.

6. Пополнете ја рамката

Не се плашете да му се приближите на субјектот и да го ставите во преден план, посебно ако се работи за интересни и специфични предмети или лица.

7. Доминантно око во центарот

Позиционирајте го едното око на вашиот субјект така што тоа ќе доминира на фотографијата. Овој трик на набљудувачот ќе му остави впечаток дека окото навистина го следи.

8. Повторувања

Повторувањата и истите предмети се секогаш привлечни. Но, посебно ако се нарушени. Тоа е секогаш ефектен начин да привлечете внимание.

9. Симетрија

Симетријата е пријатна за човечкото око и секогаш кога имате едноставна композиција, потрудете се пресекот да биде симетричен.