7 правила за белите кошули да ви останат бели

Белите кошули се класични, но и проблематични. Често знаат да ја менуваат нијансата на бела боја, па по неколку перења баш и не изгледаат како кога сте ги купиле.

За да го одржите нивниот сјај и квалитет и да останат бели, потребно е да следите неколку инструкции:

1. Прво и основно правило: Никогаш не ги перете белите кошули со шарената облека.

2. Спортската опрема треба да ја перете одделно од останатата, поради потта трагите од земја или трева.

3. Кошулите пеглајте ги додека се влажни.

4. Потта може да ја промени бојата на облеката, особено во пределот под пазувите. Со самото тоа не се советува да ја оставате белата облека во иста корпа за перење со другите, повеќе од еден ден.

5. Најчесто потта остава жолти кругови околу пазувите, а нив може да ги отстраните со нанесување средство за дамки. Оставете ги да отстојат преку ноќта, па исперете ги на висока температура.

6. По појавата на масни дамки, истријте ги тие делови со помош на шетка за заби на која претходно сте нанеле течност за перење садови.

7. Со грубо триење на дамките ризикувате само да ги размачкате или да го оштетите материјалот. Дамките секогаш треба да ги третирате со лесни и нежни триења.

На овие начини ќе успеете да ја задржите свежата бела боја на кошулите.