Како изгледа едниот ист фустан на огледалата во 10 различни продавници за облека?

Веројатно многу пати ви се има случено кога испробувате некое парче облека во некоја продавница за облека таму да ви стои совршено, а кога се враќате дома и повторно се гледате во огледалото, исто како да гледате „друга личност“.

Жените главно се жалат дека на тие огледала изгледаат како повисоки и послаби и тоа е основата на која се одлучуваат да купат некое парче облека.

Урбана легенда или вистина?

Една австралиската новинарка која живее во Велика Британија докажува со низа фотографии направени во различни бутици дека станува збор за реалност, а не мит.

Аманда Пател се одлучила истиот син фустан да го проба во неколку различни продавници и да го фотографира нејзиниот одраз во огледалото.

Таа на секоја фотографија изгледа различно за која и самата вели: „Го менувам изгледот така да во еден момент сум совршен негативец, а во друг хобит со труднички стомак“.

За изведување на истражувањето и помогнала и Мелиса Као која работи како директорка на компанијата „Magic Mirror“ која стои зад правењето на огледалата и камерите кои стојат во соблекувалните за пробување на облеката.

Таа и потенцирала на Аманда неколку трикови со кои се служат продавниците за облека за да направат потрошувачите да изгледаат што е можно подобро.

Така на пример, огледалата се поставуваат под агол за секој кој ќе го погледне својот одраз да изгледа повисоко. „Само неколку милиметри се доволни за да направат голема разлика“ – објаснува Мелиса.

Продавниците често се служат со трикови и за менување на тенот. Еден од тие трикови е и употребата на кружно светло со кое се постигнува „Халоген“ ефект и се добива изедначен тен без маани на кожата.