Чудо од спреј: Ја рамни изгужваната облека без пеглање

Ретко кој сака да ја пегла облеката, а покрај тоа што оваа активност знае да одземе многу време и да биде прилично досадна, знае понекогаш да биде и опасна, ако не посветуваме доволно внимание.

Па зошто тогаш да се мачите со пеглање, посебно рано наутро кога се подготвувате за работа? Наместо тоа можете да започнете да употребувате спреј кој за само неколку минути ќе направи вашата облека да изгледа како да е штотуку испеглана.

Спрејот не остава дамки, бргу се суши и се подготвува за само неколку секунди.

Потребни состојки:

• 1 лажица омекнувач
• 1 лажица алкохолен оцет
• 400ml дестилирана вода
• Празна прскалка

Подготовка:

Сите состојки помешајте ги и ставете ги во прскалката. Добро промешајте и вашиот спреј е готов за употреба.

Како да го употребувате:

Испрскајте ги изгужваните делови од облеката и израмнете ги со раце, а потоа накратко оставете го парчето облека да се исуши на закачалка.