Пишувањето писма е изумрена уметност: Зошто е ова голема грешка?

Некогаш луѓето интензивно комуницираа преку писма. Телефонот е изум кој донесе просторна дистанца во комуникацијата, а социјалните мрежи – уште поголема.

Денес луѓето најмногу комуницираат преку интернет. Ваквиот начин на комуницирање и те како влијае на развојот на новата „сајбер“ генерација каде социјалните мрежи станаа важен фактор кој учествува во формирањето на личноста.

Сега на врвот на хиерархијата на градење на родовите улоги, покрај семејството и врсниците, се наоѓаат и социјалните мрежи.

Истите дополнително влијаат на формирањето на стереотипите и предрасудите. Социјалните мрежи се збогатени со искривени слики за реалноста и секојдневно ги „бомбардираат“ мажите и жените за тоа како треба да се однесуваат.

Така се креираат посебни, препознатливи и во главно стереотипни слики за половите.

Стереотипите се поедноставени и често искривени ментални слики. Се врзуваат за полот и подразбираат поседување на многубројни карактеристики, како физички така и психички.

Така, од мажите се очекува да бидат: агресивни, нечувствителни, независни, објективни, доминантни и поактивни од припадничките на понежниот пол. Од жените се очекува да бидат: пасивни, зборливи, понежни и чувствителни.

А, во време кога социјалните мрежи вртоглаво влијаат на нашите перцепции колкаво е значењето на овие стереотипи? Постојат бројни примери кои покажуваат како се одразува негативното влијание на социјалните мрежи.