Секој ден, пишувајте по една приказна

Секој нов ден е бела страница на која вие имате можност да ја напишете најубавата приказна.

Правете нешта кои ќе ви ја полнат душата, ќе ви предизвикуваат насмевки, ќе ве направат подобри...

Поставете си предизвик!

Мотивирајте се самите себе да започнете нешто ново, бидејќи ако вие не го направите тоа, никој друг нема да го направи за вас. Воведете нов режим на исхрана кој ќе ви помогне да имате супер тело, предизвикајте се да читате што повеќе или почесто да посетувате театар, натерајте се себеси вашиот дом секогаш да е среден и чист, предизвикајте да направите една подобра верзија од вас.

Предизвикајте насмевка!

Изненадете ги вашите најсакани со вкусна, едноставна, чоколадна торта. Направете ја сами со многу љубов. На сите нам, познато ни е она совршено добро чувство на вкус кога каснуваме торта, она чувство кое предизвикува слатка насмевка. Израдувајте ги вашите најмили внучиња, вашата баба или мајка, вашиот сакан...

Пишувајте...

Започнете да пишувате дневник. внесувајте ги вашите чувства, мисли, идеи, па дури и рецепти за готвење. Истражувањата на оваа тема покажале дека луѓето кои водат дневник се похрабри, полесно се справуваат со стресот, лутината, очајот, а воедно се многу посреќни и позадоволни од својот живот за разлика од оние кои не пишуваат. Така да, уште денес трк по најубавиот нотес и започнете со пишување на една убава, долга приказна...

Слушајте...

Не ги одложувајте средбите со пријателките за по некое време, кога ќе се ослободите од обврски, кога ќе имате слободен ден итн, бидејќи  никогаш нема да ги реализирате. Оваа недела, одете на кафе - муабет со другарката од средно која ве познава подобро од сите, изненадете ја со цвеќе колешката од факултет со која заедно ги подготвувавте испитите... Одржувајте контакт со луѓето, секој човек има своја приказна, можеби токму денес таа ќе биде најубавата која воопшто сте ја слушнале.

Автор: М.К. | Црнобело