Експрес чоколадна торта готова за 10 минути

Си седите дома и неколку пријатели ви се најавуваат за кафе и муабет. Не, не трчајте веднаш да купите грицки и чоколадо за со кафето, оваа чоколадна торта е повеќе од погодна за ситуацијата.

Толку ќе бидете воодушевени од вкусот што секој слободен момент ќе го користите за да ја подготвите.

За ова екстра брзо чоколадно задоволство потребни ви се следниве состојки:

• 1 шолја шеќер
• 2 шолји брашно
• 2 лажици прашок за печиво
• ¼ шолја какао
• 2 јајца
• ¾ шолја млеко
• 125g стопен путер
• 180g темно чоколадо
• 1/3 шолја слатка павлака

Подготовка:

Помешајте ги сувите состојки, а потоа додајте ги јајцата, млекото и путерот.

Добро измешајте и претурете ја смесата во тава за печење која ја собира во микробранова.

Печете ја тортата на највисока температура 7-8 минути, извадете ја и проверете со чепкалка за заби дали е готова.

Оставете ја да се олади, а за тоа време стопете го чоколадото измешано со павлаката.

Прелијте ја тортата и послужете.