Што ќе се случи ако децата ги оставите цел ден без интернет?

Детскиот психолог Јекатерина Мураѓова во својата книга опишува необичен експеримент спроведен меѓу тинејџерите.

Експериментот бил наменет да покаже што се случува со група тинејџери кои еден цел ден немаат пристап до интернет и модерната технологија.

Деца и млади на возраст помеѓу 12 и 18 години доброволно престојувале осум часа сами, без пристап до било кој начин на комуникација (мобилни телефони, интернет) Исто така, им било забрането да ги вклучуваат компјутерот, радиото и телевизијата.

Им било дозволено да се вклучат во голем број активности како: пишување, читање, свирење музички инструменти, сликарството, пеење, одење, и др.

Авторката на експериментот сакала да ја докаже нејзината хипотезата дека денешните генерации на млади луѓе премногу често се забавуваат со работите кои самите не ги создале, односно, не се способни да најдат начини да бидат зафатени и да ја користат нивната имагинација.

Во согласност со правилата на експериментот, тинејџерите морале да објаснат следниот ден како се справувале со тоа да бидат сами во такви услови.

Никој не очекувал такви резултати.

Само тројца од 68 учесници успеале да го завршат експериментот, едно девојче и две момчиња.

3 учесници имале самоубиствени мисли, 5 од нив искусиле интензивни напади на паника, 27 имале симптоми како гадење, потење, вртоглавица, топли бранови и абдоминална болка.

Речиси сите што учествувале во експериментот чувствувале страв и анксиозност.

Што правеле за време на експериментот?

Готвеле јадења и јаделе, читале или се обидувале да читаат, пишувале домашни задачи, гледале низ прозорецот или шетале околу станот, сложувале сложувалки, цртале, чистеле соба, си играле со куче или мачка, вежбале гимнастика, свиреле инструмент, пишувале поезија и проза, едно момче потрошило речиси 5 часа возејќи се во автобуси низ градот, едно момче отишло во забавен парк, една девојка отишла во музеј, едно момче отишло во зоолошка градина и една девојка се молела.

По престанокот на експериментот, 14 од тинејџерите веднаш се најавиле на социјалните мрежи, 20 ги повикале своите пријатели на нивните мобилни телефони, 3 учесници ги повикале своите родители, а 5 отишле во посета на своите пријатели. Другите вклучиле телевизор или играле компјутерски игри. Покрај тоа, речиси сите од нив ги ставиле слушалките во ушите.

Сите симптоми на стрес исчезнале веднаш по завршувањето на експериментот.

М. А. | Црнобело