Чудното исчезнување на актерот од Beethoven: Му го нашле автомобилот на раскрсница, 2 децении го нема

Џо Пичлер, најпознат по улогата во две продолженија на филмот Beethoven, се прослави уште во детството, но направи пауза од кариерата за да заврши средно. Во периодот кога планирал да се враќа во Холивуд, на 18-годишна возраст, Џо исчезнал и до денес, две децении подоцна никој не знае што му се случило.

Иако неговата кариера траеше кратко, актерот Џо Пичлер глумеше рамо до рамо со некои од најголемите холивудски ѕвезди и се појави во низа популарни филмови уште во детството.

Најпознат е по улогата во третото и четвртото продолжение од филмскиот серијал Beethoven, а најмногу „му лежеа“ семејни комедии.

Но, на 18-годишна возраст, Џо Пичлер исчезна и до денес, две децении подоцна, никој не знае што му се случило.

Детали за животот и мистериозното исчезнување на Џо Пичлер:

Роден во семејство со пет деца, уште во детството Џо Пичлер се преселил во Лос Анџелес за да стане актер.

Успеа да се пробие во 1996 година, со улогата во трилерот The Fan каде што глумеше со холивудските легенди Роберт де Ниро и Весли Снајпс.

Потоа доби улоги во неколку популарни серии и филмови, како Varsity Blues и серијалот Beethoven.

На врвот на популарноста, неговите родители го убедиле да направи пауза од актерската кариера за да не си го жртвува образованието.

Па, во 2003 година, Џо се вратил во родниот град Бремертон за да заврши средно.

Во меѓувреме, се вработил и во телефонска компанија.

Благодарение на неколкуте години во Холивуд, Џо имал солидна заштеда која му станала достапна откако наполнил 18 години.

Тој период се иселил од семејниот дом, но сепак редовно ги посетувал родителите и роднините.

Се шпекулира дека во средношколските години користел дрога и алкохол, но сепак бил далеку од непримерно дете.

Тој носел и протези, а планирал откако ќе ги извади да се врати во Холивуд и да продолжи со кариерата.

Генерално, Џо бил амбициозно дете за кое сите верувале дека го очекува блескава иднина.

Вечерта на 4-ти јануари 2006 година Џо ја поминал со неколку пријатели според кои бил во добро расположение. Истото го потврдиле и неговите родители.

Но, во раните утрински часови следниот ден, Џо му се јавил на пријател кој вели дека младиот актер звучел тажно и вознемирено.

Продолжува на следната страница...