Кога ви доаѓа да заплачете...

Често пати ни се случува да имаме потреба да си заплачеме Дали плачот ќе донесе олеснување, зависи од тоа кој, кога и каде плаче, открија...

 

...американските и холандските психолози.

Имено, откако ги прателе сите 3.000 испитаници и нивните епизоди на плачење, утврдиле дека плачењето не мора по правило да значи и олеснување.

Каков ефект ќе донесе плачењето, зависи од личноста која плаче.

Поголемиот дел од волонтерите изјавиле дека откако плачеле почувствувале олеснување, особено ако некој ги тешел. Третина од испитаниците се чувствувале полошо откако ги покажале нивните чувства. Останатите биле без промени.

Личностите кои имаат благи психички пореметувања, како нервоза и промена на расположението, имаат помали позитивни ефекти откако ќе се исплачат.

Плачењето помага на контролата на дишењето и на тој начин му помага на телото да го совлада стресот.

Имено, кога луѓето доживуваат стрес, нивните отчукувања на срцето се забрзуваат, а телото се поти. Но, при плачење, дишењето се успорува и солзите имаат смирувачки ефект.

Тоа објаснува и зошто луѓето со плачење чувствуваат олеснување, а не стрес. Затоа истражувачите тврдат дека доколку имате потреба попаметно е да се исплачете отколку да го чувате во себе.