Ќе се снима втор дел на Аватар

Можеби и се очекуваше ваква вест, но секако многумина ги развесели фактот дека овој научно-фантастичен филмски спектакл ќе добие свое продолжение.

 

Во меѓувреме, "Аватар" веќе успеа да стигне до второто место на најгледаните филмови на сите времиња, па беше само прашање на време кога продуцентите ќе најават снимање на вториот дел. За сега само се знае дека продолжението ќе биде уште полесно за креирање од првиот дел, затоа што потребна технологија веќе е измислена, единствено ќе треба да се поработи на приказната.

Во едно долго интервју со режисерот Џејмс Камерон, тој даде изјава дека тој всушност планира триологија на Аватар, па затоа воопшто нема да не изненади ако за време на вториот дел, добиеме најава за уште едно продолжение на овој спектакл, само неизвесно ќе биде дали ќе го режира Камерон или ќе се вклучи некој друг.