Кој е за чаша салеп?

Салепот ретко може да се најде низ нашите кафулиња, а претставува навистина едно слатко задоволство. Посебно кога времето е ладно, на место топло чоколадо ние ви препорачуваме да си порачате или можете и дома да си приготвите - чаша топол салеп.

Зошто најчесто се пие салепот и какво влијание има?

Салепот е зелјеста, повеќегодишна лековита билка од фамилијата орхидеи, кој станал популарен во средниот век со доаѓањето на Арапите во Европа.

Содржи околу 50% слуз, составена од шеќери маноза и гликоза, 30% скроб, 10% сахароза и 10% вода.

Главни својства му се: антитусивно, емолиентно, антикатарално и афродизијачко.

Се подготвува со топло млеко или вода.

Слузта ги обложува дишните патишта во вид на филм, ги заштитува и ублажува воспаленијата и ја отстранува кашлицата. Затоа е многу ефикасен при бронхит, фарингит, ларингит, трахеит, настинка и грип.

Се препорачува како пријатен напиток кој може да се конзумира неограничено. Често се зачинува со ѓумбир или цимет. Опушта, релаксира и ја зголемува сексуалната моќ кај мажите и кај жените.

Значи освен за да си ја насладите душичката, може и да ви ја зголеми сексуалната желба.

Што чекате? Брзо на чашка салеп! Секако може и да споделите каде го подготвуваат најубаво.