Разгледницата која еден маж ја добил 9 месеци откако ја напуштил неговата бремена љубовница

Животот знае да ни приреди многу изненадувања. Секако, сите ние имаме некакви планови за иднината и често успеваме да ги оствариме, но неочекуваните нешта секогаш успеваат да „тропнат на нашата врата“.

Ова посебно важи кога мислиме на љубовта која игра голема улога во нашите животи.

Еднаш, еден маж кој веќе бил во брак имал љубовница од Италија. Еден ден, таа му рекла дека е бремена.

Мажот не сакал да си ја уништи репутацијата ниту долгогодишниот брак, па ја замолил својата љубовница да се врати назад во Италија и детето да го роди во тајност.

Ѝ ветил дека парично ќе се грижи за детето, сè додека не наполни 18 години.

Жената се согласила да си замине и го прашала како да му потврди дека детето е родено.

Мажот ја замолил да му испрати разгледница со зборот „шпагети“ кога ќе се породи.

Се збогувале, а љубовницата се вратила назад во Италија.

Поминале 9 месеци...

Една вечер, кога мажот се вратил дома, наишол на неговата сопруга со широко отворени очи кои прашално гледаат право во него.

„Злато, денес добивме многу чудна разгледница“ - рекла сопругата.

„Интересно... Дај ми да ја видам“ - одговорил мажот.

Сопругата му ја донела разгледницата и ја следела неговата реакција. Човекот, најпрво прочитал неколку редови од кои неговото лице пребледело, а потоа се онесвестил.

На разгледницата пишувало: „Шпагети, шпагети, шпагети , шпагети , шпагети . Три со топчиња од месо, две без. Те молам испрати повеќе сос...“

Н. Г. | Црнобело