Расипани кочници, напад од диви животни: Совети кои ќе ви помогнат во опасни ситуации

Што да направите ако сте нападнати од мечка, како да третирате изгореница од медуза и што да правите ако кочниците на автомобилот не ви работат? Сите треба да знаеме како да се справиме со некои ситуации, дури и ако никогаш не се соочиме со нив.

Не губите ништо ако знаете како да се справите со опасни и непредвидливи ситуации.

Иако шансите да се најдете во ваква ситуација се релативно мали, секогаш е подобро да бидете подготвени.

Совети што ќе ви бидат корисни:

Третирање изгореници од медузи

Ако ве опече медуза, веднаш излезете од водата. Ако на опеченото место има остатоци од медузата, отстранете ги, најдобро со ракавица или нешто што ќе ви ја заштити раката.

Потоа држете го опеченото место во топла вода или туширајте се 20-тина минути со пожешка вода.

Ако раната е мала, можете да ја третирате дома – секој ден дезинфицирајте го местото и ставајте чиста и студена облога.

Ако станува збор за посериозна изгореница, веднаш одете на лекар.

Како да преживеете напад од ајкула?

Најпрво, многу е важно да останете смирени – ако мавтате премногу со рацете и нозете можете да ја испровоцирате ајкулата.

Потоа, не ја испуштајте ајкулата од вид за да не може да ви се прикраде.

Доколку морате да се одбраните, фокусирајте се на чувствителни места, како очите и жабрите.

Исто така, ако со вас имате каков било предмет – маска за нуркање, штица за сурфање и слично – искористете го наместо рацете и нозете за да се одбраните.

Ако успеете да ја избркате ајкулата, веднаш тргнете кон брегот, но што е можно посмирено.

Како да преживеете напад од мечка?

Ако се сомневате дека во ваша близина има мечка, правете врева – викајте, пејте гласно, свирете… Со ова е поверојатно мечката да се исплаши и да се оддалечи од вас.

Зад вас никако не оставајте храна, бидејќи со ова е поголема веројатноста да привлечете мечка.

Ако сепак се соочите со мечка, мора да обрнете внимание за каква мечка станува збор.

Кога станува збор за кафеава мечка, немојте да бегате и не ја гледајте мечката во очи, туку почнете бавно да се оддалечувате кон назад. Ако мечката проба да ве нападне, легнете стуткани на земјата и чекајте додека животното не си замине.

Додека сте на земја, бидете во положба со која ќе ги штитите главата и стомакот.

Ситуацијата е многу поразлична ако се соочите со црна мечка. Во овој случај никако не легнувајте на земја за да се преправате мртви, бидејќи мечката речиси сигурно ќе ве нападне.

Наместо тоа, пробајте да изгледате поголемо и позастрашувачки – кренете ги рацете, изгледајте самоуверено.

Ако мечката ве нападне, немојте да бегате бидејќи дефинитивно ќе ве стигне. Наместо тоа потрудете се да ја ударите на чувствително место. Бранете се додека мечката не се откаже и избега.

Што ако некој се обиде да ви го украде автомобилот?

Најважното во оваа ситуација е да не си го ризикувате животот со надеж дека ќе го спасите автомобилот. Главната цел треба да ви биде да излезете од него и да избегате.

Ако во автомобилот има некој друг, како деца, наредете им веднаш да излезат.

Ако вие сте на возачкото седиште, а крадецот проба да влезе од другата страна, искористете го овој момент – излезете од автомобилот и избегајте.

Ако проба да влезе од возачката страна и ви рече да се преместите на совозачкото седиште, повторно искористете го овој момент да избегате.

Продолжува на следната страница...