Каде се наоѓа најдоброто чоколадо во светот?

Кој од нас нема чоколадна опсесија? Тешко е да се замисли ден без неколку коцки вкусно чоколадо, кое се топи во устата и ни развлекува насмевка на лицата.

Едноставно, животот со чоколадо е поубав и посреќен.

Ние уживаме во домашно производство на чоколади, но имаме и прилично голем избор од светски познати брендови.

Каде во светот се наоѓа најдоброто чоколадо и како изгледа тоа?

1. Далас

Овие колоритни чоколадни штангли во Далас се толку внимателно направени, што изгледаат како мали уметнички дела во духот на Џејсон Полок. Во нивниот состав има најквалитетно венецуелско какао, акаи бобинки, карамела и сусам. Чоколада во панк рок романса.

2. Будимпешта

Брачен пар во Будимпешта е одговорен за создавање на овие чоко-зелени деликатеси. Тие имаат изглед на камин плочки, а содржат какао, органска шеќерна трска и мала количина на какао путер.

Целиот процес е уште посимпатичен, бидејќи чоколадата ја виткаат рачно во специјална хартија, а вкусовите се неверојатни – чоколадо со леб и маслинки, јапонскиот мача чај или познатиот индиски зачин гарам масала.

3. Амстердам

Амстердам си го има сфатено сериозно чоколадниот бизнис. За секоја штангла чоколадо, се сади посебно растение. 80% органско темно чоколадо од најретките видови на какао во Јужна Америка и Африка. Чоколадите се засладени со сиров нерафиниран шеќер и се погодни и за вегани.

4. Њујорк

8 специјализирани продавници во Њујорк ги нудат овие чоколадни пралини кои се невообичаено слатки за нешто што содржи 80% темно какао, но сопствениците тврдат дека тајната е во специјални какао зрна, па нема потреба од дополнителен шеќер.

5. Швајцарија

А што би била чоколадната индустрија без швајцарското чоколадо? Во составот содржат дури 99% какао, а целата изработка се одвива со раце.

6. Белгија

Чоколадната традиција на ова квалитетно белгиско чоколадо трае 97 години која вклучува рајски чоко-залчиња, луксузно спакувани во пастелни кутии, произведени од какао кое потекнува од вулкански африкански остров. Не е никакво чудо што ова е омиленото чоколадо на кралското семејство во Белгија.

7. Париз

Французите имаат квалитетно сирење, вино и нормално – чоколадо. Најстарата продавница во Париз континуирано произведува чоколадо цели 255 години со најразлични додатоци како бадеми, лешници и кандиран ѓумбир, а за најпребирливите нуди и чоколадо со 100% какао во составот, со потекло од Венецуела.