9 работи кои „плачат“ за редизајн, а ги користиме секојдневно

По некое правило, не би требало да се грижиме за тоа дека наједноставните работи кои секојдневно ги користиме, би можеле да нѐ разочараат со нивниот дизајн.

Но, сепак со многу од нив тоа се случува секојдневно.

Ова се работите кои ги користиме со децении, но под итно треба да бидат редизајнирани:

1. Чадорите се користат уште од 1-иот век од нашата ера, но сепак и после толку години, тешко може да се најде таков што за време на бура нема да се распадне или да се преврти наопаку.

2. Колку и да се трудите да ја стискате пастата за заби за да ја истрошите најмногу што можете, на крајот секогаш успевате да извадите само колку за врвот на четката, што не може да послужи за ништо. Тој што ќе успее да го реши овој проблем треба да биде награден.

3. Знаете дека пакувањето на некој производ е лошо кога за него е измислено пластично пакување кое е запечатено и процесот на отварање е неподносливо тежок. Пластичните пакувања им се вистински непријатели на оние со слаби нерви.

4. Најлесен начин да направите некој да изгледа глупаво, е да ставите двосмислени рачки на врата на јавно место. Без разлика дали ќе туркате или влечете, на крајот секогаш ќе погрешите...

5. Автоматските апарати за сушење на раце, теоретски изгледаат како многу добра идеја. Но, многу често тие само го дуваат воздухот, без да ја сушат влажноста. А, да не зборуваме за оние апарати со слаб сензор...

6. Фолијата може да ја заштити храната, но освен ако не ја завиткате перфектно и прецизно, ќе треба да се соочите со вистинска ноќна мора кога ќе треба да ја одвиткате.

7. Знаејќи колку бактерии содржат тоалетните школки, запрепастувачки е фактот што сѐ уште повеќето тоалети се со рачка за пуштање вода, наместо со педали или автоматско пуштање вода.

8. Компјутерските принтери користат скапи кертриџи и имаат потреба од огромни драјвери само за да можат да ја извршуваат основната функција на претворање фајлови од дигитална во физичка верзија.

Исто така, многу од нив се гломазни и се направени од неприродна пластика, но и после 30 години, дизајнерите сѐ уште се повторуваат и ништо не менуваат.

9. Често може да се случи детекторите за чад да се активираат лажно, а сирената може да ве излуди сè додека не се исклучи. Но, проблемот е во тоа што многу модели немаат копче за да го изгасите звукот на сирената, па мора целосно да ги вадите батериите.

М. М. | Црнобело