Моќта на боите

Одамна се знае дека боите имаат своја тајна моќ. Колкаво е нивното влијание покажува и фактот дека експертите се занимаваат со нивното...

 

...влијание и го нарекуваат „Color balancing“.

Која боја е заслужна за кое одредено позитивно влијание?

Како магија боите можат да ни ја вратат енергијата, да ни го разубават денот, да ни го подигнат расположението и да го зајакнат нашиот имунитет.

„Color balancing“ се состои од различни обоени зраци со чија помош се влијае на нашата психа. Така, во борба против стресот се користи сината боја, а расположението го подигнуваат жолтата и портокаловата.

Откријте какво влијание имаат боите?

Жолта

Асоцира на сонце и затоа создава добро расположение. Токму поради тоа се користи во терапиите против сезонска депресија која особено се појавува во зимските месеци.

Внесете сонце во својот дом со помош на жолти ѕидови, завеси или едноставни детали.

Одличен избор е гел за туширање во жолта боја – утрото ќе ви почне позитивно.

Сина

Оваа боја смирува, дава чувство на рамнотежа и помага да заспиете. Покрај тоа остава и свежина.

Експертите тврдат дека сините тонови го ублажуваат чувството на глад – затоа јадете од сини чинии.

Црвена

Доволен е само еден поглед на црвената боја за да се почне да се лачи адреналин, да се забрза крвотокот, дишењето и пулсот.

Црвената боја ги ублажува болките и помага на метаболизмот. А, кога е во прашање козметиката, таа симболизира сензуалност и самоувереност.

Зелена

Свежа и релаксира. Тоа го знаела и Нефретити уште во времето на древен Египет кога се капела во зелена купка за да се опушти. Алгите се одлична опција!