Необични начини да се разладите без клима

Пеколно жешкото време на сите ни паѓа тешко. Климата не е секогаш најдобра опција бидејќи често се случува да настинеме, а морето и плажата се далеку.

Со овие неколку начини можете да се разладите барем за некое време:

1. Ставете две пластични шишиња со вода во замрзнувач. Извадете ги и намесете ги пред вентилаторот. Како што ќе се топи водата, така до вас ќе стигнува ладен бран.

2. Свиткајте го јазикот во усната шуплина. Вдишете низ уста, издишете низ нос и повторете ја постапката неколку пати.

3. Натопете ја маицата во ладна вода, исцедете ја и облечете ја за кратко.

4. На лицето ставете тенки кругови краставица и легнете.

5. Натопете ги нозете во сад со ладна вода. Исто така, зглобовите на рацете држете ги под млаз ладна вода 30 секунди.

6. Постелнината ставете ја во вреќа и држете ја во замрзнувач некое време. Извадете ја пред да легнете да одморите.

7. За да се разладите, симнете се на долниот кат или во подрум (ова важи само за тие што живеат во куќа). Топлиот воздух се крева нагоре, па кога ви е жешко спуштете се долу.

М. В. | Црнобело