Паметни одговори: Како да вратите на арогантните прашања?

Тешко е да се биде во друштво на арогантни луѓе. Мислат дека се подобри од другите и постојано сакаат да ги омаловажуваат луѓето околу нив со поставување на „незгодни“ прашања.

Повеќето луѓе сакаат или да го избегнат одговорот, или да се тргнат од ситуацијата. Но, најдоброто решение е да им се спротивставите и да покажете интегритет. Еве неколку генијални одговори на провокациите на арогантните луѓе кои вреди да ги примените:

„На која основа заклучи дека треба да го кажеш ова?“

Со ваков тип на прашање го предизвикувате арогантниот соговорник да го објасни тоа што го кажал. Целта е да го натерате да размисли и да сфати дека кажал нешто навредливо и безобразно.

„Тоа е само едно гледиште на работите“

Сите имаат право на свое мислење, но арогантните луѓе не го почитуваат тоа и сметаат дека нивното мислење е правилно. Треба да им покажете дека не се согласувате со нивниот став и дека постојат и други гледишта на истата работа.

„Ова звучеше умислено, сигурен сум дека не го мислеше“

На овој начин, им давате шанса на арогантните личности да објаснат што точно мислеле и да се исправат, а истовремено им давате до знаење дека сепак ги сметате за добри личности кои понекогаш кажуваат несфатливи работи.

„Всушност, мајка ми е член на...“

Кога арогантните личности сакаат да омаловажат група на луѓе, најдобро е да ги оправдате вашите ставови со тоа што ќе кажете дека некој ваш близок припаѓа на таа група. Овој одговор ќе ги шокира, а некои од нив ќе пробаат и да се извинат.

„Би ти бил/а благодарен/на ако го завршиме овој разговор“

Како што арогантниот соговорник сака да биде главен во некој разговор, така вие можете и да го прекинете. Овие луѓе сакаат долги монолози во кои ќе се прават најпаметни, па понекогаш најдобра опција е да ги прекинете за да не отидат предалеку.

М. В. | Црнобело