Едноставен трик со кој ќе одредите дали имате доволно облека или ви треба нова

На многумина им е позната оваа ситуација – плакарот ви е полн со облека, но немате ништо што да облечете.

Постојано носите едни исти работи, а другата облека седи здиплена и не може да си го најде своето место на вас.

И нормално, секогаш се жалите и посакувате да си купите по нешто ново, бидејќи ситуацијата е „алармантна“.

Но, дали навистина е така и немате што да облечете или тоа е поради причината што ја носите облеката која ви е најудобра и не ви е дојдено до смислување нови комбинации.

Затоа ние направивме еден краток тест со кој ќе дознаете дали треба или не да се подновите со нови парчиња облека.

3 едноставни чекори:

1. Извадете ја надвор цела облека, чевли, чанти и накит за претстојната сезона.

2. Ослободете се од сите работи кои се износени, не ви се точни или едноставно им е помината модата.

3. Погледнете што останало и направете комплети според следнава шема:

Еден комплет = 1 долно парче облека (здолниште, фустан, панталони) + 2-3 горни парчиња облека (џемпер, блуза, кошула, маица, јакна, мантил итн.) + 2-3 пара чевли (чизми, штикли, балетанки, сандали итн.) + 2 чанти (или други додатоци)

Резултат

Избројте колку успешни комбинации имате кои можете да ги носите. Облеката од тие комбинации ставете ги во плакар, а од другите ослободете се – фрлете ги ако се оштетени или подарете ги некому ако се корисни.

Потоа следете ја оваа пресметкa:

• Максимум 3 комбинации – под итно ви е потребно подновување со нова гардероба.
• 3-7 комбинации – одете на шопинг и купете само неколку работи кои ви се неопходни, но задолжително да одговараат со направените комбинации.
• Над 7 комбинации – честитки! Имате совршен гардеробер. Повторете го овој тест следната сезона.

М. М. | Црнобело