10 начини како да препознаете квалитетно парче облека

Секогаш кога одиме во продавница по нов фустан, кошула или друг тип на облека, се трудиме да купиме квалитетен производ којшто ќе можеме да го носиме подолго време и којшто нема да ја изгуби формата или бојата.

Но, во реалноста често пати ни се случува по првото перење облеката да се смачка, искине или распара по првото перење.

Еве неколку совети како полесно да препознаете производи со добар, односно лош квалитет кога сте во продавница:

Проверете го квалитетот на ткаенината така што ќе ја изгужвате во рака

Земете дел од ткаенината и силно изгужвајте ја во раката неколку секунди, а потоа отпуштете.

Ако ткаенината изгледа како изгужвана хартија тоа значи дека билa обработенa со специјално средство за да ја одржува форматa. Ваквата облека ќе ја изгуби формата и ќе се претвори во крпа веднаш по првото перење.

Повлечете ги рабовите за да ги видите празнините помеѓу нив

Производите со добар квалитет имаат зачестени и цврсти шавови на споевите на рабовите. Обидете се малку да ги повлечете зашиените делови, ако работ има неправилна форма на шавот тоа значи дека производот не е квалитетен.

Избегнувајте отворени патенти

Обидете се да купувате облека со метални патенти коишто се прекриени со ткаенина, тие се најтрајни и најсигурни

Отворените пластични патенти често се расипуваат и се знак на лош квалитет кај скоро секој производ.

Проверете дали облеката има доволно порабувањa

Панталоните и сукњите треба да имаат големи порабувања, дури и до 4 см. На блузите и маичките порабувањето е помало, околу 2 см. Ако нема порабување на облеката или таа е само помината со конец, тоа е знак дека најверојатно имате купено производ со лош квалитет.

Лесно растегнете ја ткаенината

Како што кажавме, квалитетната ткаенина треба да ја задржи својата форма. Растегнете го фустанот или сукњата и потоа отпуштете, ако ткаенината ја изгуби својата форма тоа значи дека имате неквалитетен производ.

Проверете дали должината на патентот е иста со должината на материјалот

Патентите на фустаните, здолништата или друг вид на облека треба да имаат еднаква должина со материјалот на којшто се прикачени, па дури и иста боја.

Обрнете внимание на етикетите

Природните ткаенини како што се памукот, свилата и волната се трајни и поотпорни на избледување од синтетичките ткаенини. Но 100% памукот може да се смали после перење. Затоа треба да одбирате облека со мешавина 5-30% со вештачки ткаенини како вискоза, полиестер, најлон и др.

Така ќе бидете сигурни дека облеката нема да ви се растегне или смали и ќе ви трае подолго.

Проверете дали се совпаѓаат конците и ткаенината

Внимателно испитајте ги шарите и бојата на конците со кои е обработен производот.

Доколку конецот не се совпаѓа со ткаенината и рабовите се зашиени со различна боја на конец, тоа е јасен знак дека облеката била шиена набрзина, а тоа значи дека кога се создавал овој производ не се обрнувало внимание на квалитетот, туку на квантитетот.

Проверете ги копчињата и дупките за копчиња

Кога се прави фалсификат или нестандардна облека често пати не се обрнува внимание на деталите. Затоа пред да ја купите облеката проверете ги сите спојки и дупчиња за копчињата.

Проверете дали копчињата се добро зашиени и дали не стрчат конци од нив. Дупките за копчињата треба да се рамно обработени со правилен отвор.

Внимавајте дали има остатоци од боја на местата коишто се превиткуваат

Ако бојата е избледена на рабовите, спојките и местата каде што се прикачени дршките или прерамките, тогаш производот не е квалитетен. Тоа значи дека бојата исто така ќе избледи постепено на целиот производ со тек на времето или само по неколку перења.

(О)Милена | Црнобело