Апостолки - опасни обувки

Се надеваме на топли сончеви денови пред нас за да конечно ги извадиме апостолките од плакарите. За жал, овие обувки кои може да се комбинираат...

 

...со секаква комбинација и кои се евтини и лесно достапни, воедно се и многу нездрави за нашите стапала.

“Најлоши се потполно рамните апостолки со тенки ременчиња, додека нешто подобри се оние со задебелена пета.“ – објаснува Justin Shroyer професор по кинезиологија.

“Додека одиме во апостолки ги стегаме и грчиме ножните прсти за да не ни се лизнат од нога, менувајќи го начинот на одење и држењето на целото тело. Стапалото не ја исполнува својата примарна функција да го апсорбира шокот и затоа најчесто патат потколениците, зглобовите и ножните прсти.“

“Краткорочните последици од одење во апостолки се болки во петите, потколениците, воспаление на зглобовите и болки во ножните прсти, а долгорочно може да дојде до фрактура и хронично воспаление на тетивите, колената и грбот.“

Ортопедите предупредуваат дека и во најудобни и најквалитетни апостолки не би требало да се движите постојано и долго. Тие се подеднакво оптеретување за нозете како носење 7 сантиметри високи потпетици.

Ако одите на плажа или покрај базен – нема да ве повредат сигурно. Проблемите се јавуваат кога ги носите цел ден по градскиот асфалт.