8 чудни работи во врска со вашиот папок кои веројатно не сте ги знаеле досега

Сите имаме папок, но дали во последно време сте го разгледале вашиот подетално?

Одговорот најверојатно гласи не. Сите имаме папоци од раѓање, но сите ние ги прифаќаме како само една чудна длапка во нашиот стомак.

Се разбира, нашите папоци се остатоци од папочната врвка, односно од она што нè одржувало во живот додека сме биле во матката. Папочната врвка е флексибилна цевка којашто носи кислород и хранливи состојки од мајката до бебето.

Бидејќи пловиме во течноста во матката, папочната врвка е единствениот начин да ги добиеме потребните состојки за нашиот раст и живот.

Нашите папоци служат како потсетник за ова, но тоа не ги прави помалку фасцинантни. Ова се само неколку чудни факти поврзани со нашиот папок:

Само 10% од луѓето имаат испапчен папок

Постојат два главни типови на папоци: вдлабнат и испапчен. 

Иако повеќето луѓе сакаат да имаат вдлабнат папок, испапчениот папок е всушност многу редок. Според Американскиот природонаучен музеј, само 10% од луѓето имаат испапчен папок.

Сечењето на папочната врвка не одредува каков ќе биде папокот

Некои луѓе веруваат дека начинот на сечење на папочната врвка одредува каков ќе биде папокот. Ова е неточно.

Типот на папокот е одреден уште во матката

Всушност, дали ќе имате испапчен или вдлабнат папок зависи од начинот на којшто ви расте кожата околку папочната врвка.

Американскиот природонаучен музеј објаснува дека начинот на којшто вашата кожа се превиткува нанадвор или навнатре, зависи од процесот на зараснување и начинот на којшто вашата кожа се витка.

Бременоста може да го направи вдлабнатиот папок да стане испакнат

Вашето тело поминува низ многу промени за време на бременоста. Една од тие промени може да влијае и на папокот. Притисокот одвнатре од стомакот којшто расне, може да доведе до тоа папокот да се испакне за време на третото тромесечје.

Постои и совршен папок

„Совршен“ е секогаш релативен поим, но истражувачите мислат дека постои совршен папок. Пластичните хирурзи одредиле дека идеалниот папок е оној во форма на буквата Т, односно папок со нагласена качулка. Сепак, убавината е релативна, па дури и кога станува збор за папоците.

Секоја година илјадници луѓе имаат операција на папокот

Кога веќе зборуваме за „совршен папок“, многу луѓе се решаваат да легнат под нож и да си направат таков.

Американската асоцијација на естетски пластични хирурзи изјавува дека стотици илјади луѓе прават естетска корекција на својот папок откако ќе направа липосукција, а неколку илјадници ги оперираат папоците без никаква потреба.

„Волната“ во папокот е од облеката којашто ја носиме

Секогаш е загрижувачки кога ќе најдеме нешто во папокот, особено ако е нешто што вашето тело не го произведува, како волна. „Волната“ во папокот е само акумулирани влакна од облеката што ја носиме, а е премногу блиску до нашиот папок.

Сите цицачи имаат папоци

Луѓето не се единствените суштества со папок. Сите цицачи имаат папок.

(О)Милена | Црнобело