8 необични трендови за храна коишто ќе бидат популарни во 2018

Ако сте гурман и во тек со најновите трендови, тогаш со сигурност ќе сакате да дознаете што ќе се најде во нашите чинии во текот на претстојната 2018 година.

Гастрономијата полека почнува да се преобразува во еден вид нова модна индустрија. И тука се истакнуваат новитети и трендови.

Каква необична храна можеме да очекуваме во 2018 година? Ова се 8-те интересни видови храна кои ќе бидат популарни следната година:

Торби со вино за еден

Овој тренд се поврзува со желбата да се води здрав живот. Како што расте бројот на луѓе коишто живеат сами, така расте и потребата за купување алкохол за еден.

Наместо да купите цело шише само за вас, во 2018 ќе купите торбичка со вино за еден. Овие торбички од доза за еден човек се одлични за оние коишто сакаат да водат правилен начин на живот.

Вкусни вегетаријански бургери

Како што расте бројот на вегетаријанци и вегани, така расте и изборот на квалитетна веганска храна. Бургерите без месо се повкусни и посочни од кога било.

За да направат овие бургери да имаат вкус што поблиску до оригиналот, некои произведувачи дури им додаваат и сок од цвекло за да биде плескавицата „крвава“.

Здрав леб во боја

Многу луѓе го исклучуваат глутенот и диетите со многу јаглехидрати од исхраната.

Компаниите се трудат да го направат лебот попривлечен за консументите, како на пример Маркс и Спенсер, коишто ќе почнат да произведуваат високо протеински, ниско јаглехидратен леб во неколку бои, вклучувајќи леб со боја на цвекло, краставица и црвена пиперка.

Кафе од печурки

Кафето од печурки содржи арабика кафе и се вели дека може да ви ја покачи енергијата без да ве направи нервозни. Се верува дека ова ќе биде хит во 2018. Дали сте за лате од печурки?

Слатко-кисело супер-овошје

Конзервираниот дуриан можеби веќе ќе го имаме на полиците во 2018. Ова овошје потекнува од Јужна Америка и има многу необичен вкус.

Кога е свежо има сладок и свеж вкус, а кога ќе се зготви има вкус на динстувано свинско месо. Би го пробале ли?

Чорба од тиква

Нема ништо толку добро како чинија топла чорба во ладно зимско утро. Но, сте пробале ли чорба од тиква?

Доколку водите здрав живот треба да знаете дека засладувачите и благите додатоци не се во мода, а интензивните вкусови се ин, како што се тиквата и доматот.

Цветни вкусови

Заборавете на зачините, во 2018 ќе преовладуваат цветните вкусови. Цветови кои може да се јадат и цветните зачини, како што е лавандата, цветот од портокал и бозелот ќе ги зачинуваат слатките и интензивните јадења.

Четири оброци дневно

За многумина во 2018, четири оброци на ден ќе бидат сосема нормална работа. Долгите работни денови создаваат потреба од четврт оброк како што е доцната вечера или ужината помеѓу појадокот и ручекот.

(О)Милена | Црнобело