„Полничките“ луѓе имаат поголема шанса за среќа отколку слабите

Откако ќе ги прочитате резултатите од ова истражување, ќе ги засакате тие неколку килограми плус што ги покажува вагата.

Едно ново истражување покажа дека луѓето со некој килограм плус имаат поголема веројатност дека ќе бидат среќни.

Иако, дебелината се поврзува со многу ризици за здравјето, како срцеви заболувања, дијабетес и поголема можност за удари, истражувањето објавено во International Journal of Epidemiology, тврди дека „полничките“ луѓе водат посреќен живот.

Во него учествувале 500.000 мажи и жени од Велика Британија на возраст од 37 до 73 години.

Резултатите покажале дека „полничките“ луѓе, покрај очекуваните негативни ефекти врз здравјето, имале и придобивки од килограмите плус. Тие изненадувачки имале помирна состојба на умот.

Повеќето од нив не се сметаат за нервозни личности и посмирено ги прифаќаат работите отколку слабите луѓе.

„Знаеме дека кога некој е задоволен со храна има поголема моќ за контрола на своите емоции, па не е чудно што има директна врска помеѓу килограмите и смиреноста на умот на личноста“, изјави Даша Николс, еден од главните истражувачи.

С. С. | Црнобело