5 факти за Ирците + одличната ирска теорија за безгрижен живот

Мистичната Ирска има околу 4 милиони жители и неверојатна природа и време е да срушиме некои стереотипи за неа.

Што ви паѓа прво на ум кога ќе помислите Ирска? Море од пиво, црвенокоси, леприкони и детелина?

Некои интересни факти за Ирска:

Само 10% од Ирците имаат црвена коса

Ирците се познати по црвената огнена коса и убавите жени. Но, процентот на луѓе со природно црвена коса не е толку голем како што мислите.

Дракула има ирски корени

Повеќето луѓе легендата за Дракула ја поврзуваат со реален човек од Романија, но некои тврдат дека станува збор за човек кој живеел во Даблин во 15-тиот век.

Avertach бил војвода со многу блед тен, кој постојано ги тероризирал луѓето. Еден ден тие го убиле, но дури двапати станал од гробот и барал да му се плати со крв.

Ирска е втора земја на светот по консумацијата на чај

На прво место е Турција, на второ Ирска, а на трето Велика Британија.

Празникот Свети Патрик

Фестивали, паради, многу пиво и забава низ целата држава се случуваат за времето на празникот Свети Патрик. Тој се слави на 17-ти март.

Симболи на празникот се детелината со три листа, ирското знаме и леприконите. Вообичаено сите се облечени во зелено на овој ден.

Нигерија продава повеќе Guinness пиво отколку Ирска

Познатото ирско пиво Guinness се продава речиси во сите земји во светот, а верувале или не, Нигерија е лидерот. Па, така во Нигерија се пие повеќе од ова ирско пиво, отколку во Ирска.

Ирска филозофија

Постојат само две работи за кои треба да се грижите – дали сте здрави или болни.

Ако сте здрави, тогаш нема за што да се грижите, но ако сте болни има само две работи за кои треба да се грижите: дали ќе закрепнете или ќе умрете.

Ако закрепнете, тогаш нема за што да се грижите, но ако умрете има само две работи за кои треба да се грижите: дали ќе завршите во рајот или пеколот.

Ако завршите во рајот тогаш нема за што да се грижите, но ако одите во пеколот, тогаш ќе бидете зафатени со поздравување со пријателите така што повторно ќе нема за што да се грижите.

С. С. | Црнобело