5 вирални фотки кои се покажале како лажни

Секој ден сме преплавени со фотки кои вирално се шират по социјалните мрежи, но она што ретко на кој му текнува да провери – е нивната веродостојност.

Следниве 5 фотки сигурно ви паднале во очи, но никогаш не сте се заинтересирале да дознаете каква е приказната зад нив.

Спирален облак на зајдисонце

Фотка која беше објавена во октомври 2016-та од турски фотограф, но пролетта 2017-та призна дека фотката е дигитално обработена.

Слонот, лавицата и малечкото лавче

Ако подобро изгуглате, ќе забележите дека фотката е направена благодарение на Фотошоп, со чија помош се споени три тотално различни фотки.

Хибрид од лимон и калинка

Иако и фотката и видеото се проширија вирално, научно се неиздржани, со оглед на тоа што креирањето хибрид е сложен процес кој е невозможно да се изведе со засадување семе во саксија.

Жирафата со кратки нозе и врат

Не е јасно зошто, но некој се обиде да ја протне приказната за жирафа со џуџест раст, и тоа нудејќи фотошопирана фотка оригинално објавена од зоолошка во Франција во 2014-та година.

Напуштен Боинг 727

Еден фотограф се обиде да постигне слава со помош на фотошопиран авион среде шума на Бали. На Google Maps никогаш нема да го најдете овој поглед било каде низ Бали.

М. Д. | Црнобело