Чудни факти кои можат да ви го спасат животот

Се сеќавате на советот за спиење со затворени врати, за поголема заштита во случај на пожар? Постојат уште неколку вакви навидум чудни примери кои можат да ви го спасат животот.

Хемикалиите предизвикуваат посериозни изгореници отколку огнот

Ако дојдете во контакт со хемикалија, најчесто не е доволно да измиете со сапун и вода. Внимателно читајте ги упатствата за употреба, бидејќи можете да завршите со „дупки“ во кожата

Во случај да напукне тенок мраз

Да се биде над мразот е подобрата опција отколку да се биде под него. Во случај да сте се нашле над тенок мраз и тој почне да пука, наместо да одите по него, легнете и со пливачки движења движете се во правецот од каде дојдовте. Според науката, помалку ризично е вака, отколку да продолжите да одите.

Знамињата на плажа се ваши пријатели

Сите знаеме да разликуваме жолто од портокалово или црвено знаме кога сме на плажа, но многумина се збунети кога ќе видат виолетово. На голем дел плажи низ светот, виолетовото знаме означува дека во водите има опасна форма на живот.

Нешто повеќе за сервисот 911

Во САД, 911 можете да повикате дури и кога немате ниту една „цртичка“ на мрежата. Повиците кон оваа линија се „закачуваат“ на најблиската базна станица на кој и да е оператор.

Внимателно со убодите

Ако се случи да имате каква било убодна рана од остар предмет, направете преврска за прва помош, но никогаш не го извлекувајте на своја рака, туку веднаш заминете во најблискиот ургентен центар.

Чистењето тоалет е голем ризик

Хемикалиите во детергентите може да бидат многу опасни. Препорачливо е да не ги мешате едни со други, за да не предизвикате несакана хемиска реакција, која може да биде опасна за вас. Ако веќе мора да употребите повеќе средства, задолжително носете гумени ракавици, па дури и маска на лицето.

На напад со напад

Ако некој се обиде физички да ве нападне, обидете се да му нанесете повреди со гребење. Неговата ДНК ќе остане под вашите нокти и полесно ќе се идентификува напаѓачот. На овој начин биле разрешени дури и навидум „чистите“ убиства.

Малку грозно, но може да спаси живот

Доколку столицата ви личи на црна кал или катран, или пак ако повраќате темно кафеава или црна содржина, може да се работи за некое внатрешно крварење. Но, пред сè, исклучете ги намирниците кои сте ги изеле, а кои може да предизвикаат боење на изметот или повраќаницата. Доколку не сте јаделе што било што може да ги обои, време е за на лекар.

Е. Д. | Црнобело