Како затворената врата од вашата соба може да ви го спаси животот?

Меѓу другите вечерни рутини кои ги практикувате пред спиење, треба да вклучите и задолжително затворање на вратата од спалната соба.

Иако ретко кој ја затвора вратата од собата каде спие, ваквиот потег може да ви го спаси животот во случај на пожар. Затворената врата ќе го забави ширењето на пламенот во собата и ќе го редуцира протокот на отровен чад.

Просечното време за кое луѓето може да се спасат од огнот е три до 17 минути. Ризикот за брзо ширење на пожарот расте со сè поголемата употреба на синтетички материјали во производството на мебел, па затворената врата ни дава некоја минута плус за спасување.

Многу луѓе спијат со отворена врата бидејќи мислат дека на тој начин се побезбедни, но според противпожарните служби, тоа е сосема погрешно, бидејќи буквално му се дава пат на огнот и чадот да стигнат до вас пред воопшто да се освестите дека нешто не е во ред.

Во кампањата „Close Before You Doze“ се истакнува важноста на затворената врата и како таа може да спаси животи.

Погледнете го тоа во ова видео:

Е. Д. | Црнобело