Ниту лекови, ниту вежбање или пак смеа – кој е најефикасниот лек за ослободување од стресот?

Над 3.000 испитаници кои учествувале во истражувањето потврдиле дека кога се наоѓаат во најтешките ситуации и животни раздобја, не им помогнале ниту лековите, ниту пак смеата или физичкиот тренинг, туку…

… ПЛАЧЕЊЕТО.

Тајната на животот без тензични главоболки или „нервозно колено“ кое постојано го тресете? Наместо советите во кои ви велат да се насмеете дури и кога ви е најтешко или да ја испиете третата шолја кафе, еден јапонски научник тврди дека најдобриот лек е само добро да се исплачете.

„Чинот на плачење е многу поефикасен за ослободувањето од стресот, отколку смеењето или спиењето‘, тврди Хидефуми Јошида.

Слушањето на тажна музика, гледањето на такви филмови или книги со слична содржина ќе ви донесат значително подобрување на менталното здравје, стимулирајќи ја парасимпатичката нервна активност која го успорува пулсот и има смирувачки ефект врз нашиот ум.

„Доколку се исплачете добро барем еднаш неделно, може да живеете без стрес“, тврди Јошида.

Плачењето навистина има многу предности. При проучувањето на структурата на солзите, откриено е дека емоционалните солзи имаат моќ да ги „излеат“ хормоните и другите токсини кои се акумулирале во нашето тело за време на стресните ситуации.

Додека плачеме нашето тело го стимулира создавањето и ослободувањето на ендорфини, природниот „лек“ против болката во облик на „среќни хормони“.

(О)Милена | Црнобело