Понекогаш е во ред да се чувствуваш осамено и изгубено - тоа е дел од закрепнувањето

Понекогаш ќе се саботирате сами себе и ќе ги оттурнувате луѓето што се грижат за вас. Понекогаш ќе се запрашувате која е смислата на вашиот живот.

Понекогаш во животот 10 пати ќе ја пишувате и бришете порака пред да ја испратите затоа што нема да знаете која е правилната одлука и сè ќе ви изгледа бесцелно.

Понекогаш ќе се чувствувате премногу осамени и ќе барате работи кои ви даваат утеха. Понекогаш ќе си кажете што ве мачи со објава на интернет, а понекогаш само ќе ви биде потребен некој што ќе ве ислуша.

Понекогаш ќе бидете возбудени поради стотиците лајкови на социјалните мрежи, а веќе во наредниот миг ќе се чувствувате повторно осамено и мизерно.

Понекогаш ќе ви биде преку глава од сè. Ќе плачете. Ќе гледате во огледалото како солзите се слизнуваат по вашето лице и ќе чувствувате дека се губите себеси.

Понекогаш ќе се чувствувате затапено и нема да ви биде грижа за никој и ништо, па дури ниту за себе.

Понекогаш ќе ви биде тешко да се истуширате и да ги правите малите работи што ги сакате, како дружење со пријателите или приготвување на вкусен оброк за себе. Сето тоа ќе ви изгледа како невозможна мисија.

Понекогаш ќе го гасите алармот и ќе се покриете преку глава сакајќи да отспиете сè. Во други пригоди пак само ќе зјапате во таванот, ќе ве мачи несоница и ќе ве прогонуваат духовите од минатото.

Понекогаш ќе се саботирате сами себе и ќе ги оттурнувате луѓето што се грижат за вас. Во други пригоди пак во 2 часот по полноќ ќе им ѕвоните на вашите пријатели за да ги истурите своите емоции пред нив и да им кажете дека не сакате да се разделите од нив никогаш во животот.

Понекогаш ќе се запрашувате која е смислата на вашиот живот. Ќе бидете анксиозни, ќе немате насока, ќе биде изгубени и сами. И сите тие негативни емоции ќе ве одвлекуваат од сè што било важно за вас претходно. Ќе се прашувате кога ќе сопрат разочарувањата.

Но, кога сè ви изгледа изгубено и немате надеж и желба да продолжите, мора да верувате во себе, колку и да ви звучи клише. Затоа што ќе биде подобро. Сонцето повторно ќе се појави во вашиот живот. Ќе ја вратите својата самодоверба повторно.

И еден ден ќе бидете благодарни што не сте се предале, што сте продолжиле понатаму и покрај борбите и ќе сфатите дека токму тие борби ве довеле до подобра иднина.

Извор