„Вечерва Нова година ќе славам во пижами и (можеби) ќе заспијам пред полноќ“

„Нема да го пропуштам дочекот на Новата година, туку намерно ќе останам дома. Затоа што мојот план за Нова година не е луда журка. Мојот план е: пижами, убаво јадење и добар филм. Без мрзнење, турканици, чекање такси...“

Кача од Србија е мајка на две момчиња, која споделува детали од нејзиното секојдневие на Инстаграм профилот @ZbunjenaMama.

Сега, Кача искрено откри како планира да ја помине новогодишната ноќ во топлината на својот дом.

Таа вели:

„Додека другите прават планови каде до зори, ние правиме договор со каучот, ќебенцето и порано легнување.

Нема честитки точно на полноќ, ама има мир.
Нема лудо „незаборавно“ излегување, ама има тишина.

И искрено… мене тоа сега ми е сосема доволно. Затоа што сум во таа животна фаза. Ако и ти си во тимот „Порано славам, порано спијам“ - добредојде!“

Нејзината објава, во која многумина ќе се пронајдат:

„Нема да го пропуштам дочекот на Новата година, туку намерно ќе останам дома.

Затоа што мојот план за Нова година не е луда журка.

Мојот план е: пижами, врзана коса, убаво јадење и добар филм.

Децата ќе заспијат. Можеби и ние ќе заспиеме.

Телевизорот уште работи. Далечинскиот управувач е тука некаде.

Нема турканици. Нема мрзнење. Нема чекање такси. Нема болка во нозете од високи потпетици.

И знаеш што?
И ова е провод!

Го правам тоа со години. Не е фаза. Не е криза на идентитет.

Јас сум родител.

И ова моментално ми е најубавиот можен дочек.

Бидејќи утрото на 01.01 кога моите малечки ќе се разбудат и ќе ги отвораат подароците, замислувајќи како Дедо Мраз во текот на ноќта дошол, е единственото што ми е навистина потребно за овие празници.

Ако славиш во пижами и заспиваш пред полноќ... Добредојде во клубот“.

С. С. | Црнобело