Не прават нова зграда без паркинг и уште 6 детали од животот во Јужна Кореја (што се подобри од кај нас)

Со секоја нова станбена зграда се прави гради и паркинг, а домовите се загреваат со специјален систем за подно греење кој е мошне ефикасен.

Начинот на живот во Јужна Кореја се разликува во многу аспекти од нашето секојдневие.

А, како една од најразвиените земји во светот, можеме да научиме многу од Корејците.

Кога се во прашање нивните домови, особено во градовите, навистина се одлично организирани и иако можеби на места се натрупани, секогаш владее некаков ред.

Детали од животот во Јужна Кореја:

Ретко викаат гости

Кај нас одењето на гости е дел од секојдневието и повеќето луѓе викаат гости во домот барем еднаш неделно.

Но, во Јужна Кореја, особено во поголемите градови, викањето гости е вистинска реткост.

За повеќето Корејци, домот претставува личен и интимен простор кој не сакаат да го делат со други.

Па, најголем дел од дружбите се надвор – во ресторани, во паркови, во кафетерии…

Прават огромни згради

Јужна Кореја е густо населена држава, па затоа им се дава предност на облакодерите со повеќе од 20 ката.

Притоа, секогаш ги градат плански и во склоп на секој облакодер има маркет, пекарница, болница, градинки…

Добрата вентилација и големиот мијалник се задолжителни во секој дом

Корејците уживаат да готват, па кујната им е една од најважните простории во домот.

Бидејќи користат свежи намирници, во повеќето домови има големи мијалници, со доволно простор за миење садови и храна.

Исто така, важна е и вентилацијата – корејската храна може да има силен мирис, а вклучува и многу варење.

Интересно е што Корејците ретко печат храна, па во многу домови, особено помалите, воопшто нема рерни.

Продолжува на следната страница...