Зимски специјалитети од светот кои луѓето ги јадат за да се затоплат

Зимската храна најчесто е во склад со традиционалната кујна и се заснова на производи кои се сезонски или пак на конзервирани.

На пример, кај нас не може да помине зима без сарма со кисела зелка, подварок, туршија, пити со кисела зелка или праз, месо во секаква варијанта и супи, чорби и најразлични манџи.

Оваа храна е во контраст со ладното време надвор и се прави од намирници кои ни се лесно достапни во тој период од годината.

А, што јадат во другите земји во зимскиот период?

Сољанка во Русија

Се работи за зачинета солена супа. Се прави со месо или со риба или без никакво месо, а може да содржи кисели краставичким домати, сок од лимон, павлака, маслинки и копар.

Тангјуан во Кина

Се работи за полнети слатки кнедли, направени од глутенско оризово брашно. На некој начин, ова е слатка верзија на класичните полнети кнедли. Се варат во засладена вода, а може да бидат полни со пире од сладок компир, паста од азуки грав, паста од сусам или овошно желе.

Оден во Јапонија

И оваа чорба се прави според повеќе рецепти, за кои заедничко е само варењето во зовриена вода. Може да содржи риба, варени јајца, коренест зеленчук и нудли. Се додава и соја сос.

Путан во Канада

Канадско-францускиот специјалитет е едноставен помфрит со парчиња сирење и прелиен со сос. Според некои рецепти може да се додадат и зрна грав или сланина.

Унгарски гулаш во Унгарија

Гулашот е специјалитет кој го имаме и кај нас. Се работи за чорба со телешко месо (може и со свинско), чиј основен зачин е мелената сушена пиперка.

Теокбоки во Северна Кореја

Се работи за евтина улична храна од Јужна Кореја. Најлесно да се опише е оризова тестенина, слична на њоки, во зачинет доматен сос. Може да се јаде директно од тезгата, а може и да се разреди во супа.

Овчарска пита во САД

Многу е популарна во Америка, а личи на мусака со пире, наместо со кругови компири. Се прави од мелено месо со зеленчук, кое се распоредува во тава. Одозгора се става пире од компир, а врз него може и рендано сирење.

Е. Д. | Црнобело