Како спиењето до партнерот може да се претвори во невозможна мисија?

На филмовите е толку едноставно, партнерите заспиваат прегрнати, цела ноќ остануваат така, се будат утрото и се многу среќни и воопшто немаат ниту згрчен мускул, ниту вкочанет зглоб.

Во реалноста тоа е потење на местата каде сте допрени, по некое влакно од коса ве скокотка по носот, еден од партнерите можеби 'рчи, а многу е веројатно дека немате исти навики за спиење, ниту пак исто време.

Можно е да се соочите со некој од следниве проблеми:

'Рчење

Овој проблем го решаваат и двајцата партнери. Едниот бара решение за 'рчењето, а другиот треба да се помири и да се научи да се справува со звуците.

Поради тоа мора да се испита што точно го предизвикува 'рчењето и како може да се делува врз проблемот. На пример, голема улога игра и положбата во која сте легнати, дали сте пиеле алкохол, дали имате пулмолошки проблем или прекумерна тежина. Другиот партнер пак, треба да се навикне на звуците или да носи пригушувачи.

Превртување и удирање

Ако партнерите досега ретко делеле постела со друг, сигурно се навикнати да имаат простор за себе. Може да се случи и на едниот да не му е згоден душекот или перницата или да сонува лошо и да се превртува во текот на целата ноќ.

Различни навики за спиење

Ако едната личност е ноќна птица, а другата сака да си легне на самрак. Воопшто не е пријатно тој што си легнува подоцна само да гледа во таван додека другиот мирно си спие. Не е во ред ниту пак да паѓа за спиење, додека другиот гледа телевизија или чита книга.

Решението за ова е договор колку ноќи ќе ги поминувате заедно и како ќе го правите тоа, но и да си дозволите еден на друг да ги практикувате и досегашните навики.

Едниот од партнерите заспива со вклучен телевизор

Има луѓе кои за да заспијат, потребно им е да загледаат некој филм и целосно да се исклучат. Добро за нив, сè додека на другиот не му пречи сето тоа и сака да спие во апсолутна темница.

Едниот сака топло, другиот ладно

Секој има различни навики, од кои една е температурата во собата каде се спие. Проблемот е решлив така што едниот може да носи подебели пижами или да се покрие подобро или другиот да носи потенки пижами и полесно да се покрива. Некои парови ова го решаваат на начин што после секс, секој заминува во посебна соба. Со тоа не си ставаат непотребен притисок над главата.

Е. Д. | Црнобело