Сакате да си поспиете? Потврдено е - на жените им треба повеќе сон отколку на мажите

Доколку имате посебна врска со вашиот удобен кревет и омилената перница, нема потреба да чувствувате грижа на совеста.

Професорот Џим Хорн, невролог чија специјалност е сонот кај луѓето, тврди дека жените може да имаат зголемено ниво на психолошки стрес поради недостаток на сон. Но, ова не е случајот и кај мажите.

Генерално, ваквите чувства на стрес и незадоволство не се поврзуваат кај мажите со недостатокот на сон.

Професорот тврди дека жените работат и размислуваат на многу работи истовремено, имаат повеќе тенденција за „мулти таскинг“, нивниот мозок е повеќе оптоварен во текот на денот, и како резултат на сето ова – потребно им е повеќе спиење.

Колку повеќе го употребувате мозокот во текот на денот, толку повеќе време му е потребно истиот да одмори. Следствено–толку повеќе ви е потребно да спиете.

Жените се пофлексибилни, жонглираат со повеќе работи истовремено, планираат неколку чекори однапред и го преморуваат мозокот повеќе отколку мажите. Поради ова, потребен им е подолг сон.

Генерално, на жените им е потребен продолжен сон од 20 минути во просек, но минутажата варира од жена до жена (нејзината возраст, бројот на обврските, ангажираноста во текот на денот, итн.).

Сепак, не е сè толку црно за мажите. Како што истакнува професорот, мажите чија работа се состои од латерално размислување и носење клучни одлуки исто така имаат зголемена потреба од добар сон.

(О)Милена | Црнобело