Знаци кои покажуваат дека не сте емоционално интелигентни

Емоционалната интелигенција претставува збир на способности, како што се саморазбирање, самоконтрола, самодоверба и емпатија.

Овие знаци покажуваат дали треба да работите на вашата емоционална интелигенција:

1. Често сте убедени дека другите не ја разбираат суштината на проблемот, поради што сте нетрпеливи и фрустрирани.

2. Изненадени сте кога другите луѓе ќе се навредат од вашите коментари или шеги и чувствувате дека претеруваат.

3. Сметате дека не е важно дали ве сакаат на работното место.

4. Многу брзо заземате одреден став и многу силно го браните истиот.

5. Имате високи очекувања за себе и за другите луѓе.

6. Сметате дека за повеќето од проблемите во вашиот тим се виновни другите луѓе.

Што треба да направите ако се препознаете во овие реченици? Ова се неколку стратегии:

Дојдете до повратни информации. Не можете да ги решите проблемите за кои не сте свесни. Една од најважните компоненти на емоционалната интелигенција е самосвеста – кога сте свесни за сопственото однесување во одредениот момент.

Најлесен начин да го постигнете ова е да ги прашате луѓето околу вас што мислат за вашето однесување. Ова ќе ви даде увид во тоа што треба или не треба да го правите во иднината. Не барајте изговори за вашето однесување. Наместо тоа, слушајте и обидете се да разберете.

Бидете свесни за разликите помеѓу намерите и вистинскиот ефект. Луѓето со ниска емоционална интелигенција често го намалуваат негативното влијание на нивните зборови врз другите луѓе. Го игнорираат јазот кој се случува помеѓу она што сакале да го кажат и она што другите го слушнале. Обидете се да размислите како вашите зборови ќе влијаат врз другите луѓе.

Мислете и на себе. Често не советуваат да ставиме себеси во позиција на другите луѓе, за да ја развиеме емпатијата, но исто така, за емоционалната интелигенција е важно да ги имате во предвид вашите сопствени чувства. Треба да научите да го видите проблемот од сопствената перспектива и од перспективата на другите луѓе, за полесно да го решите.

Ашера | Црнобело