Денди – дали постои денес и како да го препознаеме?

Дендизмот е она што им е заедничко на Лорд Бајрон, Енди Ворхол, Оскар Вајлд, Дејвид Боуви, Бодлер, Евгениј Онегин, Марсел Пруст. Секој од нив бил денди на свој начин. 

Дендизмот е естетската форма на нихилизмот. Приказната за дендизмот започнува во Британија, кон крајот на 18-от век, а ја започнал Џорџ Брајан Бо Брумел, човекот кој имал најголемо влијание врз машката мода, не само во Британија туку и во светот.

Денес неговиот дендизам се смета за филозофски став според кој човекот знае дека историјата е завршена и дека повеќе не може да се идентификува со улогата на херојот.

Дендизмот бил духот на времето, животот на еден романтичен херој кој живеел со иронична дистанца. Дендизмит исчезнал каде и што настанал, во Англија, во времето на Брумел. Во таа смисла, самата појава и постоењето на дендизмот се поврзани со конкретните социјални услови што го создале.

Се тврди дека дендизмот, кој се преселил од Англија во Франција, прераснал во боемија.

Поминале повеќе од два века од појавата на овој концепт кој, во меѓувреме, се развивал, се губел и повторно се враќал.

Денес дендизмот може подеднакво да се поврзе со контроверзните феномени како што се панкот, хипстерството, мејнстрим ѕвездите, метросесуалците, интелектуалните снопови и сл. Овој поим е денес почесто придружен со негативна, отколку со позитивна конотација.

Идеалното време за создавање на дендизмот е времето на општата демократизација во општеството и културата. Во таквите услови дендизмот претставува револт и социјален скандал.

Заедно со боемијата, дендизмот е реакција на буржоанскиот морал и каков било вид на духовен кукавичлук и колективизам.

Денди е:

Денди е некој кој има силна стоичка самодоверба, неговите ставови и мислења се кратки, но остри и доследни.

Според денешните зборови, денди мора секогаш да биде „кул“.

Денди се одликува со одлично образование и интелектуална супериорност.

Денди од себе создава идол, а од својот естетски хедонизам создава своја религија.

Според Бодлер, денди треба да живее и да умре пред огледалото.

Денди е скептичен и циничен. Цинизам е форма на интелектуалниот дендизам.

Денди е оној кој изненадува, но никогаш не е изненаден.

Додека поимот денди порано бил поврзуван со модните трендови, денес следењето на модата не е знак на екстравагантност. Дендизмот не може да постои во толпата, денди е нешто ексклузивно, нешто што се постигнува и добива со нагласување на извонредноста.

Ашера | Црнобело