Стапици кои ни ги поставува нашиот ум

Психолозите знаат дека причината зошто се однесуваме на одреден начин се наоѓа во нашиот сопствен ум. Постојат многу психолошки трикови кои влијаат врз нас, поради кои се однесуваме на одреден начин и правиме одредени работи, а да не сме ни свесни за тоа.

Па, така веруваме дека светот се дели на добро и зло, дека хороскопот прецизно ја одредува нашата личност или дека никој не може да нè разбере.

Ова се неколку стапици кои ни ги поставува нашиот сопствен ум:

Светот се дели на добро и зло

„Сè е црно или бело, нема ништо помеѓу, и секој ден е полош“. Ако размислувате на овој начин тоа значи дека станавте затвореници на овој тип на размислување.

Не треба да ги оценувате ситуациите и луѓето според категорија добро или лошо, црно или бело.

Професијата нè одредува

Често нашето знаење за одредена професија и претставниците на истата влијаат на нашиот однос кон таа личност. На пример, за лекар од Англија во нашиот ум се создаваат две предрасуди: сите Англичани сакаат чај и сите лекари имаат ужасен ракопис.

Ефектот е значително посилен доколку веќе познаваме Англичани кои пијат чај и кои имаат лош ракопис.

Ме чита како отворена книга

Веруваме дека нашата способност да ги разбереме другите и можноста тие да нè разберат е поголема отколку што всушност е.

На пример, доколку почнеме да се потиме кога лажеме претпоставиме дека нашиот соговорник ќе го забележи тоа и дека знае дека лажеме.

Хороскопот ја одредува личноста

Многупати кога читаме хороскоп наоѓаме податоци кои во целост ја опишуваат нашата личност. Всушност, карактеристиките кои се користат во хороскопот можат да се применат на сите луѓе од едноставна причина: тие не содржат ништо конкретно.

Овој ефект се нарекува ефектот на Барнум, и е именуван според американскиот водител кој е познат по психолошките манипулации.

Ашера | Црнобело