Како да препознаете емоционално прејадување?

Консумирање на три главни оброци и две закуски во текот на денот е модел на исхрана што се покажа како најпогоден за многумина. Поради нашите работни обврски, секојдневниот стрес и настаните со кои се соочуваме, често ги прескокнуваме оброците, за потоа да се прејадеме.

Дали сте се запрашале колку вашите емоции влијаат на обемот и бројот на оброците? Знаете ли како да препознаете емоционално прејадување?

Здодевност

Недостаток на обврски и активности во текот на денот понекогаш ни оставаат премногу слободно време кое не знаеме да го исполниме. Многу луѓе јадат кога им е здодевно, но наместо да јадете нездрави закуски фокусирајте ја енергијата на нешто корисно.

Прочитајте книга, исчистете го станот, прошетајте го миленичето или посветете му се на вашето хоби.

Стрес

Кога доживуваме стрес поради зголемување на обемот на работата, во нас се создава чувство дека ако внесеме повеќе калории ќе бидеме попродуктивни. Ситуацијата е уште полоша кога, поради недостиг на време, консумираме брза и нездрава храна или енергетски пијалаци.

На организмот повеќе ќе му одговара избалансиран оброк во вид на зеленчук и овошје, кои содржат витамини и ја подобруваат вашата концентрација.

Јадење додека гледаме телевизија

Кога седиме удобно на каучот и гледаме филм, или го користиме компјутерот, имаме навика да грицкаме и мезиме. Поради фокусирање на она што е на екранот често го губиме чувството на количеството на храната.

Телевизиските реклами, исто така, имаат големо влијание врз апетитот.

Околина

Дали во вашето друштво имате луѓе кои секое излегување го завршуваат во ресторанот за брза храна или со кои често консумирате храна кога се собирате заедно?

Дури и да не сте гладни нема да можете да се одолеете кога ќе се најдете во присуство на оние кои постојано џвакаат нешто.

Тага

Често излезот од психолошките тешкотии го бараме во храната, со што се обидуваме да ја пополниме емоционалната празнина.

Понекогаш ни е потребна омилената храна или чоколадо за да ги наполниме батериите, но ако овој дефанзивен механизам стане секојдневен, време е да се соочите со вистинскиот проблем и да ги промените навиките.

Ашера | Црнобело