Бесот не е стрес

Факт е дека понекогаш едноставно не можеме да се изолираме од стрес, колку и да се обидуваме да бидеме во договор со себеси. Да се научиме на...

 

...релаксација е огромна работа, но важно е и да се научиме соодветно да го манифестираме бесот и агресијата, бидејќи тие го претставуваат активниот дел на нашата личност.

Повеќето од нас го потиснуваат бесот и незадоволството, а енергијата која ја вложуваме во тоа прикривање ни одзема животна енергија.

Дали постои начин бесот да не се третира како стрес, односно да биде изразен на здрав и социјално прифатлив начин? Можеби би било добро барем на хартија да ги запишуваме работите кои не лутат? Ќе биде ли полесно кога бесот ќе помине од зборови на хартија наместо да биде длабоко закопан во потсвеста?

Најсигурен начин за исфрлање на бесот е спортот. За жал кога сме уморни од се, последна работа која ни паѓа на памет е одење во теретана и напорен тренинг. Но, бесот мора да се потроши на некој начин, не поради друго туку поради тоа што не можеме да ја почувствуваме радоста на малите работи кога сме бесни.

Не смееме да дозволиме да не преплави чувството дека не сме способни да успееме. Треба да си задаваме мали реални задачи, да уживаме дури ги извршуваме и да се пофалиме себеси кога ќе ги исполниме.

Бидете среќни поради тоа, поради малите секојдневни работи.