Твитерџиите се обидуваат да го пронајдат парот од волшебната фотка

21-годишната Фејт Тејлор споделила фотографија што ја направила во националниот парк Јосемити. На фотографијата се гледаат маж и жена кои се гледаат во очи пред живописниот пејсаж. Кога Фејт забележала дека парот е совршено осветлен со сончевите зраци, сфатила дека фотографирала нешто посебно.

Таа ја споделила фотографијата на Твитер и напишала: „На Јосемити, пар имаше свршувачка и кога отидов да ги фотографирам, зрак светлина падна врз нив. Преплавена сум со емоции. Некој нека ги најде.“

Фејт подоцна додала дека фотографијата е од 14-ти мај и дека тогаш се двоумела да му пријде на парот за време на професионалната фотосесија.

Сепак, сега се надева дека ќе ги пронајде со помош на Твитер. Твитерџиите ѝ влеваат надеж бидејќи фотографијата веќе е споделена над 18.000 пати.

„Сакам да ги најдам само за да им ја дадам фотографијата. Не мислев дека ќе се прослави волку. Само знам дека ако некој направи таква фотографија од мене, би сакала да ја имам.“

At Yosemite, a couple was getting engagement photos taken and when I went to take a pic of their glory, a beam of LIGHT shown on them. I. Am. Emotional. Someone find them. pic.twitter.com/ufsFhkZqu0

— Faith Taylor (@16faithtaylor) June 22, 2019

Спирова С. | Црнобело