Зошто е важно човек да практикува утринска медитација?

Оние кои сакаат да допрат до длабочината на животот и да се запознаат со димензиите на духовното постоење, треба да медитираат барем еднаш на ден.

Ова е многу важно, зошто ако не го храниш својот внатрешен простор нема да има можност за постојано растење и ослободување на твоите скриени потенцијали, а пред сè светлината на твојата душа нема да може да исплови на површина.

Големите духовни учители велат дека утринската медитација е најплодна од сите, и дека треба да се практикува пред да изгрее сонцето, тогаш свеста на земјата не е вознемирена и нападната од деструктивните импулси на човекот.

Покрај тоа, во тие утрински часови природата е потоната во тишина, така што енергијата е многу посилна и благодарение на тоа стварноста може да расте.

Не е тешко да се разбере причината зошто треба да се медитира во утринските часови. Доволно е само да се сетиме колку луѓе во светот се оптоварени со свои грижи и тежини, кои циркулираат наоколу и за да се избегнат тие, најповолен период е додека тие одмараат. Тогаш и самиот космос е исполнет со мир, и со доволна посветеност може да се навлезе во подлабока медитација.

Поради овие причини, и уште ред други како што се исцрпеноста од тешките луѓе и нивните нездрави мисли, кои влегуваат во нас и физичкиот умор медитацијата во попладневните и вечерните часови станува предизвик.

Ако некогаш се одлучите да практикувате утринска медитација, запомнете дека додека спиеме сите нечистотии што сме ги впиле од другите исчезнуваат, и ние се будиме со потенцијал да го правиме она што е најдобро за нашата душа и тело.

Автор: Е. Х. | Црнобело