10 уметници со навистина чудни техники за творење

Грем Финк црта со неговите очи

Грем користи компјутерски софтвер и неговите очи за цртање. Програмер му ја направил програмата што го следи движењето на неговите очи, а потоа го пренесува на екран. На Фин му е потребна огромна концентрација за да заврши едно дело. Сите слики се нацртани со една линија, бидејќи доколку го прекине контактот со очите, програмата ќе престане да црта. За еден портрет му се потребни помеѓу 5 минути и 1 час, во зависност од нивото на концентрација.

Иан Скларски црта со една линија и не гледа во неговите дела

Како Грем, и Иан црта со една линија, но со неговите раце. Интересно е што тој воопшто не го погледнува делото додека не го заврши. За еден цртеж му се потребни околу 7 минути, а понекогаш им додава и боја на делата откако ќе ги заврши.

Стивен Спазук црта со оган

Оганот е нешто што би сакале да го држите подалеку од вашите дела, но тоа не важи и за Стивен. За да изработи едно дело, Стивен го става цртежот над пламен од свеќа. Пламенот ја поцрнува хартијата и создава силуета, а потоа Стивен го довршува цртежот со молив. Понекогаш користи и акрилна боја.

Џон Брамблит слика и покрај неговото слепило

Сигурно сметате дека сликарите би требало да можат да гледаат, но очигледно Џон не мора да гледа за да наслика нешто. Тој го изгубил видот после компликации од епилепсија кога имал 30 години. После ова паднал во депресија, за која вели дека ја надминал со сликањето. Тој слика со неговите дланки и ги меша боите чувствувајќи ја нивната текстура.

Кацу црта со дронови и неговиот измет

За полицајците понекогаш е вистински предизвик да ги фатат оние кои цртаат графити, но нештата стануваат потешки кога уметниците користат дронови. Во 2015-та година, Кацу го направил првиот графит со дрон, прикачувајќи спреј на него. Неговата мета бил огромен билборд со Кендал Џенер во Менхетен.

Порано истата година, Кацу се прослави откако направи портрет на Цукерберг со неговиот измет. Наводно, тој го мрази милијардерот, а неговата омраза се зголемила откако го изгледал Тhe Social Network.

Спирова С. | Црнобело