Зошто вербалното малтретирање е еднакво болно колку и физичкото?

Вербалното малтретирање може да биде причина за злоупотреба на наркотици и лекови

Бидејќи ова малтретирање ја уништува самодовербата, жртвите се чувствуваат како да не се сакани и почитувани. Ова ги тера да се прашуваат каде погрешиле и неретко страдаат во тишина.

Поради очајот, жртвите можат да почнат да бараат утеха во алкохол, лекови или наркотици. Овие супстанци им даваат краткотрајно „олеснување“, но често предизвикуваат и зависност.

Вербалното малтретирање може да предизвика ужасни главоболки

Знаевте ли дека луѓето кои како деца биле жртви на вербално и емоционално насилство, имаат 4 пати почести главоболки?

Исто така, вербалното малтретирање предизвикува посилни и почести главоболки од физичкото.

Болката е болка

Болката е болка, без разлика дали е физичка или емотивна. А, доколку не ѝ се спротивставите на личноста што ве малтретира, ќе продолжите да бидете жртва.

Истражувањата покажале дека луѓето кои биле жртви на малтретирање во детството, имале 36% поголеми шанси да бидат малтретирани од нивниот партнер.

Во најлош случај, и вие ќе почнете да малтретирате

Најлошото нешто е што вербалното малтретирање може да ве натера и вие да се однесувате така.

Причината за ова е механизмот за справување со малтретирањето на жртвите.

Истовремено, децата кои биле жртви на насилство имаат поголеми шанси да се вплеткаат во криминал.

Спирова С. | Црнобело