5 фестивали на пиво низ светот, покрај Октоберфест во Минхен

Иако оној во Минхен е најпознат, традицијата на пиење огромни количини пиво е радосно прифатена и во другите градови низ светот. Така Октоберфест постои во Австралија, па дури и во Африка.

Низ светот има уште неколку градови каде можете да уживате во пиво и колбаси на славниот фестивал, па погледнете кои се тие:

1. Хонгконг 

Најголем азиски Октоберфест носи бизарно име, затоа што се вика Marco Polo German Bierfest, а се одржува на паркингот на хотелот Марко Поло. Се одржува од 17 до 27 октомври.

2. Блуменау, Бразил

Ако некој ви каже дека постои Октоберфест во Бразил, веројатно ќе се смеете и ќе помислите дека ве лаже. Но во Јужна Америка живеат многу Германци, а Блуменау е основан од германски имигранти уште во 1850 година.

Тука се чувствува германската култура која е видлива во архитектурата. На овој Октоберфест посетителите ќе ги дочекаат концерти и реки од пиво. Фестивалот трае од 9 до 27 октомври.

3. Виндхук, Намибија

Веројатно знаете дека Алжир била француска колонија, а Индија англиска колонија. Па, исто така, Намибија некогаш била германска колонија. Во Намибија оваа традиција на фестивал на пивото трае веќе шеесет години.

4. Токио, Јапонија

Јапонците се, како и секогаш, тотално различни од другите. За еден од најголемите градови во светот, еден Октоберфест е малку, па затоа тие слават два. Првиот се одржува во април, а вториот во август.

Се одвиваат на островот Одаиба, а нудат баварско и јапонско пиво. Атмосферата е малку нереална: додека танцуваат полка, посетителите јадат суши, пица и друга храна што нема никаква врска со Германија.

5. Бризбејн, Австралија

Ова е релативно нов Октоберфест, а Австралијците се борат целиот свет да дознае за нивниот фестивал.

Тие додадоа различни натпревари на фестивалот, така што редовно се избираат: најсилниот човек, победник во јадење крофни, а постои и натпревар „облечи се како Германец“, како и избор за најубавата брада на фестивалот.

Ашера | Црнобело