Дали сте на работ на нервен слом? Препознајте ги симптомите

Несоница, тешко одлучување и избегнување на пријатели се вообичаени знаци на нервен слом.

Ова се пет симптоми кои укажуваат дека сте можеби на работ на нервен слом, што во никој случај не треба да го игнорирате.

1. Фантазирате за заминување

Фантазирање за заминување и напуштање на моменталната животна состојба се дел од вродениот одбранбен механизам. Лимфниот систем во мозокот препознава дека сегашната состојба претставува закана за вашето здравје и ви испраќа порака за бегство.

Ако бегството го гледате како единственото решение тогаш паднавте во црно-белиот начин на размислување, што е класичен знак на вознемиреност и депресија.

2. Никогаш не се опуштате

Анксиозноста има кумулативен ефект, па затоа е многу важно да одвоите малку време секој ден за да се опуштите и да се „исклучите“ од вашите грижи.

За жал, кога некој е тажен и вознемирен тешко му е да прифати дека самото седење и правилно дишење може да донесе промена.

3. Тешко донесувате одлуки

Тешко донесување одлуки, дури и нерелевантни, како што да се јаде за појадок, може да биде еден од најраните предупредувачки знаци дека нешто не е во ред со вашето ментално здравје.

4. Имате напади на паника

Кога вознемиреноста не се лекува, може да предизвика напади на паника, а по првиот ваков напад, постои загриженост дека може да се појави следниот, а таа загриженост е, всушност, поопасна за менталното здравје отколку самиот напад.

5. Избегнувате друштво

Кога некој се чувствува презаситен од работа или емоции, логично е дека ќе има инстинктивна потреба да се изолира, бидејќи мозокот се обидува да избегне понатамошни стимулации или напори.

Сепак, ова е проблем затоа што недостатокот на поддршка од животната средина ги влошува вознемиреноста и депресијата и промовира чувство на осаменост.

Ашера | Црнобело