Најинтересните работи што можете да ги видите на Google Maps (прв дел)

Огромна тркачка патека

Во Италија, 20 километри од градот Нардо, се наоѓа патека за тестирање спортски автомобили. Она што ја прави патеката интересна е нејзината форма на совршен круг.

Патеката е изградена до Fiat, а подоцна ја купи Porsche. Должината на патеката е 12,8 километри, а кривините се направени на тој начин, што возачите речиси и да не треба да го вртат воланот.

Лав во Англија

На територијата на зоолошката Whipsneyd се наоѓа фигура на лав, направена во 1933-та година.

Должината на лавот е 147 метри, а животното е направено со отстранување слој од земјата и изложување на варовникот.

Во 2017 и 2018 година фигурата беше реставрирана и покриена со 800 тони нов слој варовник.

Реклама за Coca-Cola

Во близина на градот Арика во Чиле се наоѓа огромен Coca-Cola знак.

Знакот е направен во 1986-та година, во чест на 100-тата годишнина на компанијата. Зборовите се испишани со 70.000 празни стаклени шишиња, а димензиите на натписот се 120×50 метри.

Турското знаме во Северен Кипар

На турската територија во Северен Кипар се наоѓа огромно турско знаме. Знамето има должина од 500 метри, а ширина од 225 метри.

Лево од знамето е испишан цитат од првиот претседател на Турција, Мустафа Кемал Ататурк:

„Среќен е оној кој може да се нарече Турчин.“

Остров во езеро на остров во езеро на остров

Во северниот дел на филипинскиот архипелаг, на островот Лузон, се наоѓа езерото Таал.

Ова езеро има вулкански остров, на кој пак има уште едно езеро. А во ова езеро, има уште еден остров.

Навистина збунувачки, но глетката е неверојатна.

Спирова С. | Црнобело