Мистериозни случки за кои никој нема објаснување, раскажани на Reddit

„Патував низ Италија и таму запознав две девојки од Америка. Ме прашуваа за патувањето и цело време ми повторуваа дека не им се верува што ме сретнале овде. Мислев дека се шегуваат, но почнуваа да ме прашуваат за работи што би ги знаеле само оние кои добро ме познаваат. Сè уште се прашувам кои всушност беа тие девојки.“

„Јас и вереникот бевме излезени цел ден. Пред излегување секогаш ги затвораме прозорците и ја заклучуваме вратата. Па, и тој ден сè беше затворено кога се вративме дома. Но, штом влеговме, на масата најдовме мал старински портрет од девојче. На задната страна беше напишано името Бренди. Иако е малку чудно и морничаво, ја врамив фотографијата и ја чуваме до денес.“

„Кога имав 10 години, едно утро се разбудив на фрижидерот. Бев стуткана како мачка. Дома немаше никој, родителите беа на работа, а околу фрижидерот немаше ништо на кое би можела да се поткачам. Покрај тоа, никогаш во животот не сум месечарела, ни пред, ни после овој настан.“

„Имам три деца со многу необични имиња. Најстариот син, Рилан, имаше 9 години кога се случи ова. Стоев во собата, недалеку од креветот каде што седеа моите деца. Тогаш ми заѕвони мобилниот. Во тој период повеќе се користеа фиксните телефони. Одговорив и некој глас ми рече: ’Хеј, мамо‘. Се свртив кон децата, а тие мирно си гледаа телевизија. Никој не држеше телефон. ’Мамо, јас сум, Рилан‘, ми рече детскиот глас во телефонот. Шокирана му се обратив на син ми, а тој изгледаше збунето. ’Мамо престани да лудуваш‘, повтори гласот на телефонот. Тогаш звучеше како микрофонот да е покриен со рака, а се слушна и друг глас: ’Не, уште не е време‘. Се обидов да му се јавам на бројот, но беше недостапен.“

„Имам 2 глувци кои ги чувам во кафез. Еднаш кога си дојдов од работа го начекав едниот како седи врз кафезот и гледа во мене. Вратите од кафезот беа затворени, а просторот меѓу решетките е многу мал, па сигурно не излегол од таму. Имате некое логично објаснување?“

Спирова С. | Црнобело