Најсмешните теории за крајот на светот

Постојат неколку нивоа кои се поврзуваат со теории за крајот на светот. На првото ниво се војните, временските услови и природните непогоди.

Второто ниво вели дека крајот ќе се случи како резултат на астероидна несреќа, масовна епидемија или појава на роботи со напредна вештачка интелигенција. Тука ќе зборуваме за теории поврзани со третото, а во исто време и најзабавно ниво.

Ова се најсмешните теории за крајот на светот:

Мајанскиот календар

Античката цивилизација на Маите е позната по многу работи, вклучувајќи го и крајот на светот. Многу луѓе кои ја проучувале оваа култура дошле до заклучок дека врз основа на промена на циклусот во рамките на календарот на Маите, апокалипсата требало да се случи во 2012 година.

Визијата на Распутин

Исцелителот и духовниот водач на руското царско семејство Романов, покрај многу визии, ја имал и онаа за крајот на светот. Поконкретно, апокалипсата требало да се случи на 23 август во 2013 година, кога, наводно, силно невреме требало да го избрише целото човештво.

Предвидувања на Јеховините сведоци

Она што ги издвојува Јеховините сведоци од другите, е тоа што тие го предвиделе крајот на светот 20 пати. Според нив, крајот на светот требало да се случи во 1877, 1891, 1904, 1916, 1917, 1920, 1922, 1924, 1938, 1941, 1942, 1961, 1966, 1967, 1968, 1969, 1971, 1974, 1984 и 1989. година.

Братството на седумте зраци

Дороти Мартин, домаќинка од Чикаго, која е воедно и водач на тајното друштво Братство на седумте зраци, била убедена дека апокалипсата ќе се случи на 21 декември во 1954 година. Таа тврдела дека оваа информација ѝ била испратена од вонземјани од планетата Кларион.

Биг Бенг во Церн

Во 2008 година се создала голема параноја на тема поврзана со нуклеарно истражување наречено ЦЕРН. Во оваа прилика била активирана симулација на Биг Бенг, па многумина мислеле дека ќе се појави црна дупка и ќе ја проголта планетата.

Четири крвави Месечини

Помеѓу 2014 и 2015 година, христијанските водачи Џон Хејџ и Марк Билц го предвиделе крајот на светот. До оваа идеја дошле врз основа на четири крвави (т.е. црвени) Месечини на небото, кои според нивното толкување на Библијата, го претскажале Армагедон.

Нибиру / Планета X

Судејќи според нумерологот Дејвид Мид, наскоро ќе исчезнеме. Тој пресметал, врз основа на нумерички кодови скриени во Библијата, дека со појавата на новата планета по име Нибиру, ќе се развијат настани што ќе го доведат до крајот на светот.

Ашера | Црнобело